Adult rehabilitation centre

Adult Rehabilitation centre (ARC) rawngbawlna hi 1881 khan William Booth-a Chhandamna sipai pawl hmuchhuaktu chuan England Kawtthler hmun hran hrana In leh Lo neilo ho tan alo hawng hmasa ber a, chumi hnuah USA-ah rang takin alo darh ta thuai a, Kum 100 chhungzet chhandamna Sipaite hian Tisa leh Thlarau lama harsatna neite chhawmdawlna hna ARC Khawvel hmun hran hrana mite hmang hianalo enkawl tawh a ni. Central South Division chhung Chhiahtlang Khua a Sipai Pawl hmun nuam tak saw ARC tana ruahman tur a ni a, April 2010-a hawn beisei a ni.

The vision : Suamhmang Diabol-a’n a hliam tawh, mahni in enkawl dam thei tawhlote enkawlna tur (Khualbuk) a ni a. Mipa tana siam phawt a ni.
The Mission : Salvation Army Chhiahtlang hian enkawl ngaite ahmunah enkawlin a mamawh zualpui phuhrukna tur programme akalpui ang. A Programme hnuai akalpuite hian nundan Hrisel leh thianghlimte, Chawte, hnathawh, hunawl hmanna tur thilte, a huho leh amal sawipuinate, Thlarau hrualnate leh Mihring nunphung tih hmasawnna leh pathian nena inzawmna thar Isua Krista ami chu pek leh kawhhmuh tum a ni.
Funding : Sum neihlawk pakhat mah awmlo, Pathian rinna a kal tur a ni a, Sipai leh pathian Mite inpeknate Corps leh society-te, Kohhran leh Pawl ho chi hrang hrangte tanpuina beisei a ni. Sum mai bakah sum changthei Buangrua chi hrang hrangte lawm tak dawn theihreng a ni bawk.
Aplicant : Diltu chu mamawh aneihte ARC Programme-in a pui theih chhung ami anih atul ang. tanpuina hi atlem berah Thla thum tal angaih dawn avangin chumi huam tur leh chumi chuan aduhnate leh ama nun ngei pawh thlakthleng turin apui anga. Chhungkua leh Khawtlang a, ahaw leh hunah pawh mi awmze nei zawkah a chhuahin athlakthleng thei dawn a ni.
Admission : Diltu chu tanpui amamawh ani tih inhria ani ngei tur a ni. a chhungte emaw, Thiante emaw, Court-in emaw Kohhran rawngbawltute’n emaw, Khawtlang Hruaitute’n emaw anlo sawisakin (Phone paw’n) ahnuai ami Addrres tarlanah hian a biak theih ang
Programme : Adult Rehabilitation Centre (ARC) Programme hian a enkawlte chu nunphung awmze nei zawk zirchhuak turin apui ang. ARC Programme awm zawng zawngah hian kan Mi enkawl zawng zawngte chu an awmkim vek tur a ni. Kan enkawlte chu anlo tangkai zawk theihna atan hnathawh tir an ni ang. Hnathawh hi damdawi pakhat niin, tangkai inzirtirna ani a, thawhona pawimawh zia inzirna atante, kaihhruaina zawm atulziate tumhlen tura kan tih ve tur inkawhhmnuhna ani bawk ang.
Nungchang thlakthleng (ngaihtuah dan leh nunzia) aloh nih theihnan mimal leh Huho a sawiho (Councelling) thin an ni. Kristian rinna atak leh an nunngei a, alo lan chhuah theihna turin leh an awmna kohhranah ngialnghet tak a rawng an bawl chhunzawm theihna turin Thlarau lam thilte kawhhmuhin fuihna pek an ni.
Kan chanchin zawt chiang duh dan biakpawh theihreng kan ni a, ahnuaia Phone no. tarlanah hian hrechiang duhtante, zawhfiah duh nei tante leh tanpuina hlan duh tan phone mai tur a ni e.

Divisional Commander
Central South Division
The Salvation Army
P.O Box - 161
Kulikawn, Aizawl- 796005
Phone - 0389-2300246/9436195237