TLAI NGAILO LALPA -Tetea Sailo
Mihringte hi Pathian in kan chunga ro a relnaah hian kan hmanhmawh fo thin a. Keimahni hamthatna leh nawmsakna kan thlakhlelh luat avang hian Pathian hi tlai thinah kan ngai fo thin. Pathian hnathawh leh thiltihte kan nghah hman loh avangin keimahni duh danin chak takin kan kal a, kan dai phelh pheng phung reng a ni. Amaherawhchu Pathian hi a tlai ngai lova, a hun takah A ropuina leh thiltihtheihna a lanchhuah tir zawk thin. Amah beiseia A chunga rinna nghat thin tute hi a tithlawn ngai lo a ni. Huaisen taka Amah tantu leh Amaha rinna zawng zawng nghattute tana a rinawmzia chu Daniela leh a thiante chungchangah pawh chiang takin kan hmu a ni.
Daniala Bung 3 kan chhiar chuan Lal Nebukadnezzara'n rangkachak milim a siamthu leh chu milim chu mi zawng zawngin chibai buka be turin thuchhuah a siam a ni tih kan hmu a. Amaherawhchu Daniala thiante pathum Sadraka, Mesaka leh Abednego te chuan Pathian nung hawisan duh lovin lal thu pek anga milim hmaa kun chu an duh ta lova, chu chuan lal Nebukadnezzara thin a tirimin a milem chibai buk duh lote hremna tura dan a lo siam tawh angin rawhtuina meipuiah Daniala leh athiante chu an paih ta a ni tih kan hmu a. Mihring rilru atanga kan ngaihtuah chuan Sadraka, Mesaka leh Abednago te rawhtuina meipui, alet sarih laia an tihsat leh nghal chhunga an paih thlenga Pathian a che lo kha a mak a, a tlai tawh lutuk a ni. Engkimtithei Pathian chuan meipui sa tak chu a tihlum thei awm si a, meipuia paihtu tur sipai hote tha pawh a ti zawi vek thei ang tih a rinawm a, Daniala thiante kha meipuia paih an nih hma khan chhahchhuah an ni thei a ni. Amaherawhchu chu chu Pathian thiltum leh ruahman dan a ni lova, Amah leh Daniala thiante ho tana hlawk zawka Nebukadnezzara hremna chu hmag turin tumdan dang a lo nei daih a ni. Chu a thiltum ang ngei chuan a hun takah Daniala thiante chu meipui chhungah ngei chuan chhanchhuah in an awm a, engmah na hre lovin an awm a ni. Tlai deuh tawh leh engmah tih theih tawh loh hnu ni a langa mihringin a tawrh tur ang hun thlen tawh a Pathian thiltihtheihna lang chhuak chu Daniala thiante tan malsawmna a ni a, an hna atanga kaisan tir an nih phah ta a ni.
Daniala Sakeibaknei puka paih a nih pawh khan mihring ngaihtuahna atang chuan Pathian kha tlai hle in a lang a. Sakeibaknei puk thleng lovin Daniala harsatna kha Sakeibaknei puk kotlangah khan chinfel mai awm ti in keini chuan kan ngaihtuah ngei ang. A puk kotlang thlenga Pathian in a thiltihtheihna a lantir lo a nih chuan Sakeibaknei puk a lut lova Pathian thiltihtheihna leh a ruahmanna nghak hman lova keimahni thua chet lak mai kan tum ngei ang. Mahse, Pathian tana rinawm Daniala chuan Pathian a ring tlat a, a hun takah Pathian in hna a thawk ta reng a ni. Daniala kha thi ngei tura kan ngaihna tur hmun Sakeibaknei ko ham tak tak te pukah Pathian chuan a muttir thei tlat si a ni. Daniala'n rinna nena Pathian thil ruahmanna a nghah avang khan Nebukadnezzara khan Daniala Pathian, kan Pathian nung ngei chu a biak ve phah ta a nih kha. Kan rin Pathian hi a va tlai ngailo tak em! A hun takah thil a lo ti thin zawk a ni. Ringtu inti tamtakte hian Pathian hi kan ring zo lo fo thin a, Amah kan rin loh avang hian a hnathawh lo thlen hmain kan lo phatsan fo thin. A malsawmna kan dil a, a chhanna kan hmuh hmain hmanhmawh takin kan duh angin kan lo chet khalh a, nupui pasal te pawh kan dil a min pek hma in kan lo inru fo thin a nih hi. Hei hi kan rinna duap lutuk vang a ni. Amah ringtute chunga Pathian hnathawh kan hmuh hian Pathian tlai ngai lohzia kan hmu a, keimahni kan hmanhmawh lutuk avang hian a tlai thinah ah kan lo ruat mai mai thin zawk a lo ni.
Hawh u, Daniala leh a thiante ang hian Lalpa hnathawh lo thleng tur chu rinawm takin i nghak thin teh ang u, 'min chhanchhuak dawnlo mahsela, milem pathian chibai ka buk lovang' ti ngam khawpa Amah ringtu leh beiseitu hi Pathian hian a ensan mai mai ngai lo. Tlai ngailo Pathian hian kan thatna turin kawng engkim min ruahman saka, kan dilna leh ngennate min chhang tur hian a tlai ngai love.
Friday, April 9, 2010
Corps chhung
Cadet Field Training
Cadet Naorem Rashi Chanu M. Div. ‘Ambassador Of Holliness’ Session chuan Field Traning nei in kan Corps ah a awm mek. Amah hi Chairel Corps Manipur (Eastern Div.) a mi a ni a. Sipai te’n kan tawngtainaah i hre reng ang u.
AIDS/AHT Training
Dt. 22 -25 March 2010 chhunga Booth Mansion a CHAN buatsaih a training neih ah Nl Lalhmachhuani chu a tel.
Corps Cadet News
Corps Cadet Rally Saitual a neih zawh taka khan ITI Corps atangin Badge of Merit mi 11 in an hmu a ni.
Missionary Board Inhlawh
Tunkar chho khan Missionary Board te chuan sumtuakna neiin hnatlang leh inhlawhna neiin hun an hmang.
Naute nei thar
Salvationist Ralhrat Editor Pu Lalnunthara te nupa chuan Thawhlehni zan kalta khan fanu duhawm tak Civil Hospital ah an nei thar. Editorial Board te’n kan lawmpui hle a ni.
Damlo
Pu K.Sangthuama mit a lungte awm chu hlawhtling taka zai a nih hnuin Dt 1. 4 .10 khan a lo chhuak leh ta. Sipai te’n kan tawngtainaah i hre reng ang u.
Sunrise Services & Open Air Meeting hmang
YP Corps te buatsaihin nizan 10:00 p.m vel atangin tukin Easter Sunday zing thleng khan Sunrise Service hman a ni. Tin, vawiin tlai hian GSA Volley Ball Court ah Open Air Meeting buatsaih a ni leh ang.
Out Reach beihpui
SAY te chuan April thla chhung hian Outreach beihpui an thlak dawn a, he beihpui hi a hming atan “Operation Reach Out” a ni a. I tawngtaipui ang u.
Cadet Naorem Rashi Chanu M. Div. ‘Ambassador Of Holliness’ Session chuan Field Traning nei in kan Corps ah a awm mek. Amah hi Chairel Corps Manipur (Eastern Div.) a mi a ni a. Sipai te’n kan tawngtainaah i hre reng ang u.
AIDS/AHT Training
Dt. 22 -25 March 2010 chhunga Booth Mansion a CHAN buatsaih a training neih ah Nl Lalhmachhuani chu a tel.
Corps Cadet News
Corps Cadet Rally Saitual a neih zawh taka khan ITI Corps atangin Badge of Merit mi 11 in an hmu a ni.
Missionary Board Inhlawh
Tunkar chho khan Missionary Board te chuan sumtuakna neiin hnatlang leh inhlawhna neiin hun an hmang.
Naute nei thar
Salvationist Ralhrat Editor Pu Lalnunthara te nupa chuan Thawhlehni zan kalta khan fanu duhawm tak Civil Hospital ah an nei thar. Editorial Board te’n kan lawmpui hle a ni.
Damlo
Pu K.Sangthuama mit a lungte awm chu hlawhtling taka zai a nih hnuin Dt 1. 4 .10 khan a lo chhuak leh ta. Sipai te’n kan tawngtainaah i hre reng ang u.
Sunrise Services & Open Air Meeting hmang
YP Corps te buatsaihin nizan 10:00 p.m vel atangin tukin Easter Sunday zing thleng khan Sunrise Service hman a ni. Tin, vawiin tlai hian GSA Volley Ball Court ah Open Air Meeting buatsaih a ni leh ang.
Out Reach beihpui
SAY te chuan April thla chhung hian Outreach beihpui an thlak dawn a, he beihpui hi a hming atan “Operation Reach Out” a ni a. I tawngtaipui ang u.
Editorial
Easter Sunday atang hian
Sipaite kawng tam takah hma kan sawn a, kei mahni piahlamah SAY, Corps, Home league.etc. pawhin kawng tam takah hma a sawn. A lawmawm a, kan inpekna rah kan seng mai niloin Pathianin kan thawh phulohin a malsawmnain min vur a, a lawmawm em avang hian lawmthu sawiloh hi tih tur dang kan nei tlem ngawt awm e. Kan hriselna lamah pawh tunthleng dama kanla awmtheite hi tu vang nge? Pathian tello hian leh a khawngaihna tello hian Ke vawikhat pen chu sawiloh Mit khap kar pawh kan nung theilo. Mahse, ngatinge tunthleng a dam kala awm theih si? Dam phu hliah hliah tur khawpin enge ka tih? Engmah pathian hma a han chhuan tur khawp thil tih pakhat mah ka nei silo. Tunge maw ka nih a, mi hriatreng thin le. Amah kan ngaihtuah loh a, khawvel a kan tlansan pawhin ani chuan min thlahthlam lova, kan harhchhuah hun nghakin min thlirreng a, min veng reng thin. Ka sual avangin a malsawmna min pektlem phah ngailova. A ni telin min pe tam tial tial zawk thin. Vui lovin, lawmthu sawi zawk tur kanlo ni e, Isua hnenah.He Easter Sunday a lo thlen hian a thawhlehna nun tawmpuiin Lalpa tan eng nge ka thawh ve ang?? A lamah ke kan pen zual sauh teh ang tih a va pawimawh em!!
Sipaite kawng tam takah hma kan sawn a, kei mahni piahlamah SAY, Corps, Home league.etc. pawhin kawng tam takah hma a sawn. A lawmawm a, kan inpekna rah kan seng mai niloin Pathianin kan thawh phulohin a malsawmnain min vur a, a lawmawm em avang hian lawmthu sawiloh hi tih tur dang kan nei tlem ngawt awm e. Kan hriselna lamah pawh tunthleng dama kanla awmtheite hi tu vang nge? Pathian tello hian leh a khawngaihna tello hian Ke vawikhat pen chu sawiloh Mit khap kar pawh kan nung theilo. Mahse, ngatinge tunthleng a dam kala awm theih si? Dam phu hliah hliah tur khawpin enge ka tih? Engmah pathian hma a han chhuan tur khawp thil tih pakhat mah ka nei silo. Tunge maw ka nih a, mi hriatreng thin le. Amah kan ngaihtuah loh a, khawvel a kan tlansan pawhin ani chuan min thlahthlam lova, kan harhchhuah hun nghakin min thlirreng a, min veng reng thin. Ka sual avangin a malsawmna min pektlem phah ngailova. A ni telin min pe tam tial tial zawk thin. Vui lovin, lawmthu sawi zawk tur kanlo ni e, Isua hnenah.He Easter Sunday a lo thlen hian a thawhlehna nun tawmpuiin Lalpa tan eng nge ka thawh ve ang?? A lamah ke kan pen zual sauh teh ang tih a va pawimawh em!!
Ralhrater's
SAY CO Bial Sport hun chu bei phei leh huk i la ni mai lawm......Mawi tak, over hauh si lo in va Champion leh keuh i lah.....lawm leh heps2 ila ni ni mai lawm.....
- Da Who
Kan Corps thalai ten Salvation Officer nih duh na rilru an pu tan ta hian thinlung ava ti lawm em. Lalpa ramla tur in han pen chhuak tak tak teh un.......
- Ungsukhuan
ITI Corps a Sipai zawng zawngte he Easter Sunday a lo thlen hian Lal Isua Krista thawhlehna nun kan tawmpui thar a, a tana kan hun leh ni, kum, kan theihna leh chakna te kan hlan thar ava pawimawh tak em!!
- P Mawia
Phailam atanga Ralhrat chhiar hi a nuam viau a, mahse.....lung a leng duh lutuk a......nuam bawk si, hrehawm bawk si....
- Mawia Ralte
(SMS in emaw ziakin emaw Ed. Board te hnen ah a thehluh theih reng e. Amaherawhchu, kan thu lo tihchhuahte hi Ed.Board ngaihdan ani vek kherlo...8014229279 ah thawn chur chur ang aw..... Hriatpuina leh Rilru a Hla thu awm pawh athawh theih e. Hming (Nick) inphuahlote chu an number tih lansak an ni thin.)
- Da Who
Kan Corps thalai ten Salvation Officer nih duh na rilru an pu tan ta hian thinlung ava ti lawm em. Lalpa ramla tur in han pen chhuak tak tak teh un.......
- Ungsukhuan
ITI Corps a Sipai zawng zawngte he Easter Sunday a lo thlen hian Lal Isua Krista thawhlehna nun kan tawmpui thar a, a tana kan hun leh ni, kum, kan theihna leh chakna te kan hlan thar ava pawimawh tak em!!
- P Mawia
Phailam atanga Ralhrat chhiar hi a nuam viau a, mahse.....lung a leng duh lutuk a......nuam bawk si, hrehawm bawk si....
- Mawia Ralte
(SMS in emaw ziakin emaw Ed. Board te hnen ah a thehluh theih reng e. Amaherawhchu, kan thu lo tihchhuahte hi Ed.Board ngaihdan ani vek kherlo...8014229279 ah thawn chur chur ang aw..... Hriatpuina leh Rilru a Hla thu awm pawh athawh theih e. Hming (Nick) inphuahlote chu an number tih lansak an ni thin.)
Lawrkhawm
William Booth Brigade News
Tunlai hian DDK a hla an thun tur chu an zir ngawrh hle a, April thla tawp hian Gauwahati lam kal an tum bawk. Brigade hruaitute’n memberte rawngbawlnaah tan la sauh sauh turin an ngen tak meuh a ni. Tin, an hmunphiah keh chu tunah hian zawrh turin an peih fel tawh bawk. Good Friday zan khan Brigade Songsterte chuan Pathian fakna hla mawi tak an hlan bawk a ni.
Salvationist Ralhrat Sponsor theih
Salvationist Ralhrat Issue khat hi Rs.200/- (cheng zahnih) zelin a sponsore theih a, thahnem ngaih vangte, Birth Day, Memorial, Anniversary leh chi dang dangte pawhin a sponsor theih reng a ni. Sipai chhungkaw tinte Issue khat tal Sponsor theuh turin Salvationist Ralhrat Ed. Board chuan kan ngen tak meuh meuh che u a ni.
2010 HSLC (MBSE) Pass thar te :
1. H.Lalhriatpuii d/o H. Lalhriatzela CT
I - Div. (Letter in Mizo) Springfield H/S
2. Hrangthankhumi d/o H. Rozika
III - Div. ITI H/S
3. Danny Lalnunsiama s/o Lalchhandama CS
II Div. Oriental H/S
4. Lalnunchami d/o Lalthlahlova
Dist. (Letter in Sc.) GMHSS
(Kan Corps atanga zirna a hlawhtling tharte Editorial Baordte chuan kan lawmpui tak zet a che u, in zir zelna turah Pathian malsawmna dawng zel teh un)
Practice tan tur
Bethlehem CO Bial SAY Volley Ball (Men & Women)a tel tur zawng zawngte naktuk zingkar atangin Practice tan tur a ni.
T - Shirt Man Chungchang
Salvationist Ralhrat Ed. Board ten a T - Shirt kan siam order, la khul ve lo ten a ranglam a khul tur in kan ngen a. Tin, la tawh a man la pe lo ten Immanuel Lalrokima, Cir. Manager hnenah a ranglam a a man pe turin kan in ngen bawk e.
Tunlai hian DDK a hla an thun tur chu an zir ngawrh hle a, April thla tawp hian Gauwahati lam kal an tum bawk. Brigade hruaitute’n memberte rawngbawlnaah tan la sauh sauh turin an ngen tak meuh a ni. Tin, an hmunphiah keh chu tunah hian zawrh turin an peih fel tawh bawk. Good Friday zan khan Brigade Songsterte chuan Pathian fakna hla mawi tak an hlan bawk a ni.
Salvationist Ralhrat Sponsor theih
Salvationist Ralhrat Issue khat hi Rs.200/- (cheng zahnih) zelin a sponsore theih a, thahnem ngaih vangte, Birth Day, Memorial, Anniversary leh chi dang dangte pawhin a sponsor theih reng a ni. Sipai chhungkaw tinte Issue khat tal Sponsor theuh turin Salvationist Ralhrat Ed. Board chuan kan ngen tak meuh meuh che u a ni.
2010 HSLC (MBSE) Pass thar te :
1. H.Lalhriatpuii d/o H. Lalhriatzela CT
I - Div. (Letter in Mizo) Springfield H/S
2. Hrangthankhumi d/o H. Rozika
III - Div. ITI H/S
3. Danny Lalnunsiama s/o Lalchhandama CS
II Div. Oriental H/S
4. Lalnunchami d/o Lalthlahlova
Dist. (Letter in Sc.) GMHSS
(Kan Corps atanga zirna a hlawhtling tharte Editorial Baordte chuan kan lawmpui tak zet a che u, in zir zelna turah Pathian malsawmna dawng zel teh un)
Practice tan tur
Bethlehem CO Bial SAY Volley Ball (Men & Women)a tel tur zawng zawngte naktuk zingkar atangin Practice tan tur a ni.
T - Shirt Man Chungchang
Salvationist Ralhrat Ed. Board ten a T - Shirt kan siam order, la khul ve lo ten a ranglam a khul tur in kan ngen a. Tin, la tawh a man la pe lo ten Immanuel Lalrokima, Cir. Manager hnenah a ranglam a a man pe turin kan in ngen bawk e.
Subscribe to:
Comments (Atom)