Division News

Bungtlang leh Chhiahtlang tlawh
Maj.Lalhmingliana DC chu Dt.24th May 2010 (Mon) khan Bungtlang tlawhin akal a, Bungtlang Corps Biak In Thli leh ruahin atihchhiat chu ahmunah enin hmalak chhunzawm dan turte a enfiah a ni. DC hian Chhiahtlang a ARC hnathawh mek chu atlawh nghal a, hmalak chhunzawmna tur duangin hmuna thawktute ruahmanna a siampui a ni. Dt.26th May 2010 (Wed) khan Aizawlah alo let leh a ni.

ARC hawn hun sawn
Adult Rehabilitatuon Centre (ARC) hawn hun atana ruahman tawh Dt.6th June 2010 chu a In saklaite, hmanrua lakkhawm lamahte harsatna a awm avangin duhthusam a peihfel hman ani lova, hawn hun tura lo ruahman tawh chu remchan zawkna avangin sawn a ni.

Beihrual atan
THQ ruahman angin Outreach prayer Week and Self Denial Prayer Week Sept.2010 atan Lehkhabu siam ani dawn a. Corps/Society-in hei hi beihrual atana hman tura tih ani a, August thla chhunga peihfel hman tum a ni a, aman pawh atlawmthei angber tura duan a ni. Corps/Society-te’n mahni mamawhzat DHQ-ah aranglama inhriattir tur a ni.

Hliappui Corps-ah Local Officer khawmpui leh Seminar
Dt.28th -30th may 2010 chhung hian Central South Division huamchhung a bial thenkhat tan Local Officer khawmpui leh Seminar chu Hliappui Corps-ah neih ani dawn a, He hun hmang tur hian DHQ Officer zawng zawng pawh DC hoin Dt.28th May 2010 khan Hliappui panin an kal a ni. Bial hrang hrang he khawmpui leh Seminar-a tel turte chu: Saitual CO Bial, Keifang CO Bial, Phullen CO Bial, Khawzawl CO Bial, Champhai CO Bial, Khawbung CO Bial, Lungpho CO Bial, Chhawrtui CO Bial, Ngopa CO Bial leh a thlengtu Hliappui CO Bialte an ni.
Nimin Dt.29th May 2010 (Sat) hian Local Officer ‘Mawhphurna’ Seminar neih ani a, Thupui then hrang hrang pali hmangin Seminar hi neih a ni. Ahnuaia tarlan ang hian Programme neih a ni.
I Session
‘Corps rawngbawlnaah’
CSM Vanlahruaia President DACSAL
II Session
‘Thilpek rawngbawlna chi hrang hrangah’
H Lalnuntluangi HLT Ebenezer Corps
III Session
‘Kristian Chhungkua’
Nuhliri YPSM Khatla Corps
IV Session
‘Thlarau lam Hruaitu’
Maj. Lalhmingliana DC

YP Congress atan hma la
Territorial YP Congress Dt.17th-18th July 2010-a neih tur atan Territorial YP Congress Fund Raising Committee chuan ruahmanna chi hrang hrang asiam a. YP Congress 2010 alo bengluh zawk theihnan Dt.20th June 2010 hian DHQ thuthmun bakah District Headquarter tin emaw, Town/Sub-Town tinah kawngzawh theuh nise tih ani a, hei hi Corps/Society tinte’n ngai pawimawh theuh turin angen a ni.
YP Congress neihtur pual hian Donation Card siam ani bawk a, he Card hmang hian naupangten an chhungte leh an thiante hnenah tanpuina an khawn anga, apetu/tanpuituin a pekzat leh hmingziak tur a ni. Heta Donation hmuhchhuah hi YPSM hnenah thehluh tur ani a, Corps/Society-te’n DHQ-ah a hlawmin an chhunglut leh dawn a ni.

ARC puala thiulpek petute chungah lawmthu sawi
Adult rehabilitation Centre (ARC) Chhiahtlang hlawhtlin theihna tura thilpek petu zawng zawngte, Division chhung piahlamah, Division dang atanga khawngaihna thilpek petu zawng zawng chungah Central South Division DHQ chuan Pathian hmingin lawmthu a sawi tak meuh meuh a ni.

Child Development Centre
Child Development Centre Ebenezer Corps-a din turah thilpawimawh hrang hrang sawihona leh Budget ruahmannate neiin Dt.20th & 21st May 2010 chhung hian Maj. Lalhmingliana DC hovin mawhphurhna latute DHQ Board Room-ah an thukhawm a ni.

SAY Sunday leh Collection chungchang
Dt.13th June 2010 (Sun) SAY Sunday lo thlengtur hi tluang tak leh hlawk taka Corps/Society-a SAY tinten an hman theuh theihnan DHQ chuan duhsakna a hlan a, Social Work lamah leh Thlarau lam nun intuaitharnate neiin he Ni pual hian Crusade/Camping ahmalama neihtheih nise DHQ chuan tha ati hle a ni.
SAY Sunday-a Collection kan hmuh angte hi THQ-ah chhunluh vek tur anih avangin Corps/Society-a SAY ten ngai pawimawh a, aranglama DHQ-a chhunglut turin DHQ chuan min ngen a ni.

Officer diltute interview
Officer trainning dilte Division Cnadidate Board-in a pawm tawhhnua, Territorial Candidate Board-te’n Screening alo neih leh hnua tlingte chu Dt.4th June 2010, 10:00 AM-ah hian THQ Board Room-ah Personal Interview an nei leh dawn a, tluang tak leh tha taka Officer diltu zawng zawngte’n Interview an hmachhawn theihnan Sipaite’n i tawngtaipui theuh ang u.

YP Bible Quiz
Central South Division YP Council-in alo rel tawh angin Dt.21st August 2010 (Sat) hian Aizawl Temple Corps-ah Central South Division YP-te tan Timothea I & II atangin Bible Quiz neih tur ani a, Corps tin atangin mipahnih zel atel theih dawn a, atel turte chuan July 2010 thla ralhma ngeiin DHQ-ah ziaka inhriattir tur a ni.

Finance Board Meeting
Dt.18th May 2010 (Tue) khan Central South Division Finance board chu Central South Division Board Room-ah an thukhawm a ni.