Editorial

SAY Member-te hi kan tak nge kan lem/ho zawk? Puithuna hmunah kan awm peih lo a, kan nun hian tak lam aiin a ho lam hi a uar ngar ngar ni berin a lang a ni. Tul leh pawimawh awm fe a kan chhuahnaah te hian, kan inngaihpawimawh ai hian, mi hian minlo ngai pawimawh ve ta mang thin lo, khawilai kilah emaw lo tal nileng tak mai mai hi thalaite hian kan ngah fu mai. Kan tunlai nun hi thil ho hian a hruai nasa ta khawp mai. Kan nun pawh a ho a, kan khawsak dan pawh a ho a, kan ei leh in dan thleng hian a ho em em tawh mai a ni. Engmah hian hun bi a nei tawh lo emaw tih mai tur a ni.
Kohhran thalaiahte pawh hian hohna hian bu a khuar thui tawh khawp mai. A thu tak lam ai chuan a huau huau lam, nuih dur dur na lam hi kan tui puiin kan duh ber a ni tawh a. Pulpit tlang atang a Pathian thu sawi meuh pawh thalaite chuan nuihna tur hi kan chang ta ran emaw tih mai turin, thusawitu kan chan dan pawh thlarau lam aiin, a ho lam a ni ta tulh tulh bawk. A tak aiin a lem kan lawm zawk a, chhunglam aiin pawnlam lan dan kan ngai pawimawh a, kan tehfung reng reng hi a tak lam aiin a ho lam a ni ta zel mai. Sipai Thalaite aholam nge kan ngaihtuaha a taklam tih hi i inngaihtuah theuh ang u.