Editorial (13th March 2011. Vol. No. 15 Issue No. 10)

Changkanna hi sual ani lova, mahse kan hmang sual palh thei a ni. Khawthlang Ramahte (GOD Channel-ah alang thin) phei chuan Hla pangngai (Hla thluk pangngai kan tih thin henglaia kan sak thin ang hi) hmangin Thalai an inko khawm thei tawh lova. Achhanchu heng Hla ang hi an changkanna hian akal pel tawh a, Music teng tak tak (Heavy Rocks) hman angai a. Chuvangin, Thalaite hipnan chuan an Music ngaihthlak duhzawng hman alo ngai ta a ni. Hmang duhlo tase, Thalaite engtinnge an hip theih ang? Hetiang angzel hian Khawvel chankanna/hmasawnna nen hian kan inherrem vel zel a, kan zirchian atul ani. Amaherawhchu, a vaw tuin Ek acheh antih ang mai a, changkanna thalo tam tak a awm, thil thalo dotu zawk kha dozawk lama tang palh a awm ve thei. Chuvangin Pathian rawn chungin leh inveng ranin Khawvel a kan awm chhung hi chuan kan awm atul a ni. Hmasawnna/changkanna alo awm dawn chuan thil danglam a awm angai thin. Danglam duh silo, chankanna duh si chuan ARSI Leiah laih chhuah atum ang ani dawn a ni. Danglam vek tur tihna phei chu ani lo, mahse danglam lai chu a awm thin, Chumi pawm thiam chu kan tih tur ani. He Khawvel changkanna hi kan chhiarthiam loh chuan Mite tana changkanna leh hmasawnna ni thin kha min ti chaklotu leh kan tlukna a ni dawn a ni. Chuvangin chhiardan i inzir theuh ang u.