Editorial

Kan Corps pawhin hma nasa takin a sawn zel a, chutiang bawkin Sipai member pawh Pathian zarah kan pungchak hle a ni. Kan Corps chhungah Chhiatni thatni tam tak kan tawk zeuh zeuh reng a, Sipai tam zawk chu kalin, kan inlawmpui emaw kan in tuarpui emaw thin. Mahse, kal tumlo hi hmuh tur an awm leh zeuh zeuh thin. Kohhran tangkaina em em pakhat chu chhiat tawh leh that tawh thuah hian anti thin. A dik a, kan mawilohna lai min thupasaktu ber thin chu Kohhran/Corps hi a ni. Mahse kan intawiawm thatloh chuan kan Corps (ITI Corps) hian tangkaina anei tlem sawt dawn asin. Chuvangin kan intawiawm danah hian in enfiah ngai kanla awm zeuh zeuh niin ahriat theih. Chhungkaw lam buai vang emaw engemaw rawlkhawlhna chu a awmna meuh nangin, chhan awmlo a kalloh mai mai kan ching chuan atha dawn lova, chuvangin, theihtawp chhuah a, kan intawiawm hian Salvation Army hmel amawi anga, ITI Corps leh Sipaite kan mawi dawn a ni. atawp berah chuan kan Sipai puite hi malsawmtu Pathian zara kan Unaute an ni tih hi hrereng ila, chhiatni thatniah i in tawiawm zel ang u.