Article

Social Work leh Sipai Pawl

Gen.W.Booth-a’n Salvation Army kum1867 a kristian Mission anih lai atang tawhin Mipui Vantlang tana hnathawh alo tan daih tawh a, kum 1871 khan Gen.W.Booth-a chuan London a Hmeichhia mahni inzuar thin (Fallen Woman) enkawl turin Miss Lowrence Sleanor Soper, Doctor fanu Lehkha thiam bawk si chu Superintendent turin a ruai a, an tantirh atangin Sunday zingtin Mi 500 lai chaw man tlawm a ei turin anlo kalkhawm thin a ni. Tichuan Chaw, Soup, Coffee man tlawm tak tak a eitheih turin hmun tam takah siam alo ni ta zel a, Ms.Soper-i pawh Kum 1880 khan Eastern London-a Hmuchhuaktu nupui Catherine Booth-i thusawi atangin alo piangthar ve ta a. S.A Officer turin a inpe a, Dt.12th,Oct,1882-ah khan Bramwell Booth-a nen anlo innei ta a ni.
Kum 1874 khan Zu rui thin Pa neite tan Chhanchhuaktu Pawl (Brigade) an lo din tawh a, kum 1887-ah khan Hmeichhe Zuin thinte chhanchhuah hna thawh tan alo ni tawh a, hemi kum vek hian Hmeichhia Police-in a an man Court-a an hruaite chhanchhuah hna thawh tan a ni bawk a ni. tin, William Booth-a hnathawh ropui tak pakhat chu, tunhma chuan England ramah khuan Hmeichhia hi kum13 chin Kumtling/Puitling a pawm an ni a. Nawhchi zawrhna hmunah pawh kun13 chu Kumtlinga pawm an ni a, chu chu duhlovin William Booth-a hian Campaign a nei ta a, a duhlo ve tute hming 3,43,000 lai mai ala khawm a, an Ram rorekna sangber House of Common pawhin a pawmsak ta a, kum16 chin Puitling/kumtling a pawm alo ni ta a ni. Kum 1896-ah khan Neger Coil S.India-ah chuan Cen.Hospital khum 150 lai mai awm theihna chu hawn a ni a, kum 1920-ah khan Phar (Leprosy) Hospital chu Bapatha, Andra Pradesh-ah hawn a ni bawk a, Kohhran a, Phar damdawiin nei awm chhun kan la ni. Kum 1940 hma lam kha chuan Hnamsual siamthat hna pawh Chhandamna Sipai Pawl kutah hlan a ni a, Mizoram a Sipai Pawl tanchhuaktu Lt. Col. Kawlkhuma OF pawh a Appointment hmuh hmasak ber chu hnamsual siamthat hna a nih kha. India Ramah ringawt pawh kan Social service hmunte hi sawi sen ani lovanga. kan Terittory bik chauh hi ilo chhui dawn teh ang.
Kum 1938 khan Arro khuaah Pu Khawchhana chu a Nupui a thi a, a Fasen Thanthuama chu enkawl nan Officer-te’n an hlawh atangin 25 Paise theuh an pe khawm thin a, Capt. Kawlkhuma chuan Cheng khat a thawh thin a ni. Chumi hmang chuan HL te’n hma la zel a, tunah phei chuan Thawktu Mi 7 leh i/c Officer 1 leh Nausen 30 lai mai awmin a changtlung sawt hle a ni.
Heng bakah hian kan Terittory-ah hian Social Centre dang ala awm nual a. chungte chu:-
1) Enna In
2) Hlimna In (Saitual)
3) Motherless Baby Home (Tuikual)
4) Boy’s Home (Saiha)
5) Muana In (Mualpui)
6) Mary Scott Home for Blind
7) Boy’s Home Silchar (Cachar)
8) School for the Deaf and Dump
9) Kawkhuma Home
10) CHAN
Sipai Pawl hian theihtawpin Social Work lamah hian tan ala zel a, Ramtinah Fahrah enkawl hna leh Mi chanchhe zawkte dawmkan hna hi a thawk reng a. Mahse, Hei hi lo ngaihtuah ve teh. Enge i anve le... William Booth-a hnungzui tur hian? Ke vawi engzatnge Mite tana malsawmna ni turin ilo penchhuah tawh.