SAY

Chhandamnna Sipai Pawl rawngbawlna chu Dt 26th April,1917 atangin Mizoramah tan a ni, Pathian malsawmnain hma nasa takin a sawn a. Mizoram pawn thlengin Mizo te luah chin dap chhuak a,Kohhran a ding zel, mei kang ang mai in thu leh thlarau ah Pathianah harhtharna a thleng zel a.Kohhran pawl dangte lek sorkar hruaituten dodal thin mahse Lt.Kawlkhuma leh a Sipaiten harsatna tam tak karah pawh Pathian an tih tlat a, a rawng an bawl tlat a, anmahni kaltlanga Thlarau thianghlim hnathawh chu dan zawh rual a ni ta lo.
He hmasawnna hian Naupang te pawh nasa takin a hip a.Naupang pual bil inkhawmna te neiin Young People Corps(Naupang Kohhran) rawngbawlna tha tak neih a ni a.Corps tina naupang pual inkhawm hi Salvation Army chauh ni lo,veng chhung naupang tamberin an hlut a,an zawm ve thin a. He rawngbawlna enkawl a Commanding Officer (CO) te tha tichak turin Divisional Headquaters ah DYPS (Divisonal Youth People Secretary)te ruat an ni ta zel a, tunah erawh chuan DYS(Divisional Youth Secretary) tih an ni ta, hei hian naupang chauh ni lovin Thalaite pawh a huam ta a ni.
Thalai rawngbawlna Chhandamna Sipai pawl kohhran a lo in tan dan hi khawi Corps in nge thalai puala inkhawm hmasa emaw rawngbawlna kalpui hmasa ber tih hriat theih ni tawh lo mahse,Thalai bila thiltih leh inkhawmna te chu kalpui a nih ngei a rinawm.A chhan chu Sipai Tlangau Jaunuary 1955 chhuakah “Zoram thalai inkhawmpui hmasa ber’’ tih hmanga Dt 8-11 . October 1954 a Youth Congress Report chhip chiar taka tarlan anih avangin.Hetih lai hian eng hming nge Salvattion Army a thalaite’n kan put hre thei lo mah i la.HQ hriatpuina a inkhawmpui hmasa ber, Corps 54 atanga palai 500 chuang kalkhawmna ni hi IET a Chhandam Sipai pawl thalai din chhuah ni a tan TSAY Genenal Council 24-25 Nov’07 a Tuikual Corps a neih chuan ngun taka ngaituaha sawi ho a nih hnuah ziak a chhinchhiah felfai tak kan hmuh theih hlui ber a nih avangin DT 8th.Nov 1954 hi SAY Rising Day atan kan nemnghet in kan pawm ta a.Chumi dungzui chuan HTQ pawhin in Calender Of Events a ni pawimawh bik te zingah min tarlan sak ta a ni. Salvation Army Thalai rawngbawlan hming inthlak thleng dan:-
1.Thalai - 8th Oct 1954(Saitual Youth Congress)2.Torch Bearer Group Movement(TGM)21st April 1971 Aizawl
3.Young Crusaders(YC)3rd January 1981 Aizawl. 4.Salvation Army Youth (SAY) January 1955 atanga put tan turin 14th October 1954 a Territorial Youth Congress Kolasib a neihah Col.Sawichhunga,TC in YC hming chu SAY a thlak tih a pawm thu a puang a ni