editorial

Inkhawm

Sipaite (abikin kan Corps) hi kan inkhawm thin danah hian engang chiah nge kan nih le? Inkhawm kal hma leh kal tlai chungchangahte hian kan in enfiah atul hle awm e. Kohhran dangte kal rem duak hnuah hian kan chechang tan chauh thin em ni? SAY Meeting-ah ngat phei chuan dar rik hnua lut hi kan tam thin viau a ni. Engemaw rokhawlhna leh Chhungkaw lam harsat vang chu a awmna meuh mai, amaherawhchu, Sipai tam zawkte (abikin SAY-te) hi chuan kan ngaih pawimawh loh vang zawk niin a hriat theih. Hla khatmah sa hmanlote hian kan kal thin a, tun aia kalhma hram hram itum ang u.
Kan Inkhawm laia kan nungchang/awmdante hi in enfiah ngai kan tam hle awm e. Inkhawmlaia thil ei rek rekte, zawite a inbiak neuh neuhte leh Phone khawih neuh neuh ching kan awm thin a, Biak In chhunga tih atan chuan amawilo em em a. Pathian tan kan Thinlung min pektir theilo thin a ni. Hla thuin ‘minti hnawk apiang ipaih zel ang u’ alo tih angin Pathian nena kan inpawl theihna tur a min dal theitu zawng zawngte hi kan paih hi a hun takzet tawh a ni....