Editorial

Inpuitawnna
He khawvelah hian mihringte hi ze hrang hrang pu mi kan ni a. Mahni tawka intifing theuh leh mahni tawka in dah sang ber theuh hnam kan ni awm e. Pawl hrang hrangah kan inhmang a,a then chu chanvo pawimawh tak tak chelh te pawh kan ni nawk thin. Chutihlai erawh chuan ngun taka ngaihtuah ngun angai khawp mai. pawl chihrang hranga kan inhmang hian kan rilru put hmang hi kan tizauh a pawimawh khawp mai. Mahni tawka kan indah sang larh lai hian kan phenah hian midang keini aia thurawn tlak te pawh hi an awm thin a ni tih hre rengin midangte zai ngaitawk a kan kal thiam hi a pawimawh tak zet a ni.Hruiatu ka nih vang emaw,member tangkai tak ka nih vanga member inhmang vaklote hmuhhniam leh ennhniam kan ching anih chuan bansan a hun tawh hle ang, mitin hian tangkaina zawn theuh kan nei a, chu kan tangkaina zawn theuh hlenchhuak thei tur chuan kan infuih thar a pawimawh zawk a ni. Rawngbawlna peng hrang hrang a awm a,chutah chuan Sipai thalai,member ka nih angin kan tui nazawng anih kher loh pawhin kan intanpui tlang in kan inphur pui tawn thin tur a ni a, mawhphurtute kutah ringawt dah hi thil fu ber a ni lem lo fo thin. SAY Memberte pawh hi hemi kawngah hian tan lak a pawimawh khawp mai. kan rawngbawlna peng hrang hrang hi kan inngaihpawimawh sak tawn thin tur a ni.