Sermon

Ringtu nun - tuarnaah
-Pi Lalthatlingi
Engvangin nge Ringtu nunah hian tuarna hi alo awm thin tiin ka ngaihtuah fo thin. Mi thenkhat chuan rawngbawltu tha tak takte Chhungkuaah, harsatna emaw tawrhna emaw alo thlen hian feia khawh mai hi kan ching fo thin. Hei ai chuan ‘Pathian hmangaihtu ama ruat anga akohte tan chuan, an thatna turin engkim a thawhsak thin’ tiin ngai ila. tawngtaipui ila, a sawt zawk hle thin. Tuartu nih hi thilhrehawm tak ani a, Mi tupawh hian tuarna hi anlo nei tawh a, kan nei mek a, kan nei zel dawn bawk a ni. Hei hi Ringtu nuna bet tlat a ni. Kan manding Sap Lal Isua Krista pawh khan he Khawvela hun reilote rawng abawl lai khan tihduhdah leh sawichhiatnate vawi tam tak a tuar nasa em em a nih kha. Nimahsela, keini atuarna tawmpuitu turte hian hlim taka awmrengte, harsatna tawklo leh tluang taka, phak ang tawk tawk a rawngbawl hi kan chak vek awm e. Nimahsela Hla phuahtu chuan “Tuarna leh channa tello chuan ringtu nun athang theilo” alo ti a, adik hle a ni.

Ziaktu pakhat chuan ‘kanlo pianthar hian harsatna pakhat ni8 thin kha pathum alo ni tawh thin’ tiin a ziak a, ‘Harsatna awmlo rawngbawltu awm maw’ tiin hla phuahtuin alo phuah bawk a. Ringtu mi piangtharte chuan harsatna hi an tawk ngei ngei dawn a ni. Mahse, kan tawhdan chu kawng hrang hrangin ani thei. Heng natnate, retheihnate, sawichhiatnate, dawta inpuh leh thil hrang hrangtein ani thei a ni. Rangkachak mihringte hman mai mai tur mah, meia fiah (Kaltlang) anih chuan, keini athianghlimna tawmpuitu turte, a roluahtu turte hi kan chhelna turte kan felna turte, kan thianghlimna turtein kawng hrang hrangin Lapa’n kan tawrh hi aphal a ni. ‘Ka tawrh hi Lalpa’n aphal, Vui thei ka nilo’ anlo ti hial thin a ni.
Pathian thu chuan “...ka fa, Lalpa thununna hi ngainep suh la, a zilhhauva i awmin inthlahdah hek suh. Lalpa chuan a hmangaih chu a thunun thin a, fa alawm apiang chu a thunun thin asin ni.... Fa zawng zawng hlawh thin thununna chu hlawh lova in awm chuan Fa tak nilovin sawn inni anga sin,’ tiin min hrilh a ni.
Pathianin ringtute hi a zawng zawng (Engmah pawlhdaltu awm lova) amah nena lengdunh turin min duh avangin pawlhdal thei tur awm chu nitin min tihthianghlim aduh thin. Tirhkoh paula van chhawngthumna a, a hruaichhoh khan hriattirnate chua nasat em avanga, ka inngaihhlut lutuk lohnan ka taksaah hling minpe ani ati a ni. Chuvangin, kan chapo lohnante, kan inngaihhlut lutuk lohnan Lalpa’n hling kan tawnte aphal thin a ni. Chung kan harsatnate chu, amah kan hlatphahna tur niloin, kan rinna angheh sauh sauhna tur leh midangte tana malsawmna ni turtein a ni. thingkung thangduang tak Thlipui chhem (Tuar) ngailoh chu Lianin thangduang hle mahse, Thlina vawikhat atuar hian atlu mai thin. mahse, Thlipuii achhem than tawh tak (Thlina tuar thang) Thing chu lianin duahhluahlo mahse, azungte chu a inkaihnghet a, a phiar tlat thin a ni.
Ka Thianpa thu min hrilh kala hriatreng chu Mipakhat hian Lawng Captain hnenah, “Captain, vawiinah Lawng khalhchhuak suh, Khua adur nasa ani”, ati a. Captain chuan heti hian achhang a, “Kahmu alawm, mahse, khawdur tak piaha Nieng mawi tak saw ka hmu asin, chuvangin vawiinah hian kan inkhalhchhuak ang” ati a ni. Chutichuan lawng Captain-in Khadur piah a, Niengmawi tak pan a huaisen taka akal zel ang hian, kan tawrhna (hrehawmna) chauh enloin, tuarna phenah malsawmna a awm tih hriain Lapa chakna ringin i dai zel ang harsatna zawngte.
thununa reng reng hi kan tuarlai chuan lawmawmin alang ngailo a, lungchhiatthlakin alang zawk thin. tuar hnuah chuan, chumi a, sawizawia awmte tan chuan rah, thlamuanawm tak felna chu achhuahsak thin a ni.