Article

Mother’s Day (Nute ni)

Naupangte u, Lalpaah chuan in nu leh in pate thu zawm rawh u; chu chu thil dik a ni si a. I nu leh i pa chawimawi rawh,” (chu chu thupek tiam nei hmasa ber a ni. “Chutichuan, i tan a tha ang a, leiah hian i dam rei bawk ang.”

Achang chuan Nu leh fa inkarah hian innghirnghona, engeng emaw avangin athleng chawk thin. Achang phei chuan inbiak hleihtheihloh changte hi a awm a, buaina athleng ve fo thin. Chutiangang harsatna nei mek kan awmpalh anih chuan vawiin Nute Ni kan kan hman hian remna lo thlenin in chhungkuaah hlimna leh inzawmna alo thuk leh zual theihna duhsakna ka hlan ache u.
sipai pawl hian Kohhran dangte tih ve ngailoh thiltha tak tak hi kan hmangfo thin a, chungzinga pawimawh tak pakhat chu Nute ni hi a ni. Nute ni kan hman hian kan Fate/kan hmangaihte nena kan inzawmna hi azual thin a ni. tam tak phei chu inhmangaihna avangin Mittui hial pawh atla thin. Hman deuh tawh khan nikhat chu (Nute Ni a ni a) chawhma kan inkhawm bang chu kan Thian pakhat nen kan hawdun a, kan titi mawlh mawlh a, kan thiannu chuan heti hian asawi a, a fain alung atih awilohzia leh a thin atih urzia leh a pangpar pek pawh alaksak chak lohzia asawi a. keipawh chumi hma kuma ka fa chunga ka lungawiloh vanga ka Inkhawm duhlohte ka ngaihtuah chhuak a, engvangmah chuan ka chhanglo nain ka ngaihtuahna chu a kalding hle mai a, ngaihtuahna thui tak min neihtir ta a ni.
Awle, Nute hi tlawm hlein kan thiamnate hi sang lemlo mahsela, kan fate hi an hlimlohte an hrehawmte lehkha an thiamlo bik ang tihte, thiante an phalo ang tih hlau tih hlauin kan theihtawp kan chhuah thin a ni. Kan fate tan hian kan nun hi kan hlan ani deuh ber a ni. nau kan pai a, an hrisel loh leh an chakloh hlauin leh tha takin apianglo ang tih hlauin insum ngaite insumin eitur tha nia kan hriat ang angte kan ngaihtuah thin. nau lopiang dawn a nute tuar nasatziate hi tuar velo chuan an hrethiam phak kher lovang. Athen phei chu nauvei lai leh pai laia boral ta an awm nual bawk. Tunhma lama kan hriat ngailoh natnain a, a tlakbuak phah lah an awm bawk a ni.
Nimahsela, nau alo pian a, nauhmel ahmuh chuan, chung atawrhnate chu Fa a hmangaihna chuan a theihnghilh tir thin. Hnute Tuiin an chawm a, an puarloh hlauin theihtawpin an eiturte an ngaihtuahsak thin. Anlo leikang leh deuh a, mi an phakloh hlauin thuthate hrilhin nundante an zirtir thin. Zirna kawngah an hniam bik ang tih hlauin theihtawk an chhuahpui a, Silhfen an neihloh hlau leh an mawiloh hlauin neih ang chhun chhun hmangin an thuam bawk thin. An damlohin tlaivar angaih leh an tlaivar a, chaklo leh bawrhsawm lai pawhin theihtawkin an buaipui thin. Heng zawng zawng hi engvangnge kan tih chuan Nu hmangaihna vang a ni.
Nute hian kan fate hi Mi hlawhtling tak leh Mi chhuanawm takte, Nu leh Pa chawimawi tur leh zahthiam turte a zirtirlo Nu an awm awmlo e. Nimahsela, hman atanga tun thleng hian Nu leh Pate zahlo leh hnial zawt zawt thin, angawi hnuhnung zawka tangreng mai hi an awm thin. Hetiang ang Mize nei SAY/YPah hian kanlo awmpalh anih chuan vawiin Mother’s Day alo thlen hian kan tana an tuar nasatziate hria a, hmangaih let ve hi kan bat a ni. Pathian thu chuan Nu leh Pa thuawi chu hmungilna leh damreina ani tih min hrilh a, chuvangin Nu leh Pa rilru tinatu niloin tihlimtu leh an innghahna tlak nih theuh itum ang u.

‘Lawmchang hriain kan Nute i chawimawi theuh ang’