Dt.2nd may 2010(sun) khan Bethlehem CO bial SAY meet chu ITI Corps biak Inah neih a ni a, he Bial meet-ah hian Inkhawm vawithum neih ani a, Thianghlimna inkhawm, fakna Inkhawm leh Chhandamna Inkhawmte neih ani. Inkhawm tinah hian Items hmuhnawm leh benglut tak takte ngaihthlakna leh thlirhona neih ani a, Thianghlimna Inkhawm leh Fakna Inkhawmah hian Bialtu CO Maj.lalsawmliana CO chuan Pathian thuchah tha tak tak asawi a, Chhandamna inkhawmah erawh chuan, Pu lalthanpara Bethlehem Corps chuan Pathian Thuchah a sawi bawk.
Chhandamna inkhawmah hian Bethlehem CO Bial SAY Sport result puanna neih ani a, hetiang hi result chu a ni.
1st - Bethlehem Corps
2nd - ITI Corps
3rd - Republic Corps
4th - Enna Corps
- College Corps
He Meet-ah hian items pali ngawt mai kan Corps atangin kan nei a chungte chu, Zion Ninja, William Booth Brigade Songster, Tv.PC lalzamliana leh Pu Samuel R Lalkohbika-te’n hlawhtling takin an nei a ni. Kan Corps atanga Items neite an chhuanawm hle a, Programme-a awmsa nilemlo (Request Item)in Pu Samuel R Lalkohbika phei chu vawihnih ngawt azai bawk a. Corps thenkhatta’na an items an tih hlawhtlin theihloh laia kan Corps-in tha tak maia an tihhlawhtlin vek avang khan Items neitute an chhuanawm hle. Hun lola kal lehzel turah pawh chin chhunzawm zel atan atha hle a ni.
Tin, Ushering leh Receiptionist lam pawh an fakawm hle. Sawisel tur awm miahlo leh felfai taka an Duties an tihlawhtlin avang khan an inpekna a ropuiin an chhuanawm hle a ni.
SAY Council-ina angenna angin Home League-te chuan chhunah Thingpui Ruai tuihnai tak mai min hlui bawk a, Inkhawmpui Palai kal zawng zawngte puar takin min hrai a ni.
He Bial meet-ah hian kan Corps-ina Bial Council atang leh thawhlawma kan sum hmuh zawng zawng chu Rs.6,813/- ani a, hmaral zawng zawng chu Rs.8,145/- ani a, kan Corps sum kan hmanral Rs.1,332/- ani. Bial Meet tha taka min hmantirtu Lalpa ropui ber rawhse.
No comments:
Post a Comment