Article

Tu rawng nge i bawl dawn?

-Victor-a Pa
Krista avanga chan ngam nge kan nih a Krista hawisantu? Thenkhat hi chu Krista rawngbawltu anga inngai, mahse Pathian mithmuh a tlingzo silo leh a nuam china rawngbawl thin kan ni a, Isua Krista erawhchu hreawm tinreng tuarin Mihringte sawifiah thiam rualloh khawp hreawm min tuarsak a, Thlan Thisen a far khawp a min tawngtai sak hnuah kan tan a nun a hlan a nih kha. Engtinnge hrereng chung si a, kan tana a tuarna hi kan haider theih zawk ni?
Awle, Khawvel tawp rorelna niah Pathian hmaah kan la ding dawn a, chutah chuan, Krista tana Pasalthate leh Krista tana Mihrat khawkhengte, Telsa a thlakhlumte, Sakawlhin a an Tisa a pawhsawm sakte, Krista vanga Lu tansakte, rapthlak taka sawisak hlumte leh Silaia kahhlumte chuan lalpa hnenah chuan, “Lalpa itana ka tawrhna hi keichuan anep ka ti thin,” tiin an sawi anga. Enge nangin i sawi ve angle? I zak viau angem? An Martar dan chanchinte an han sawi anga, nangmah i zah mai ai chuan Isua’n a zahpui angche tih hi a hlauhawm hle zawk a ni.
Unau duhtakte u, Krista tan hian hreawm tawrh kan huam em le, tun hunah hian Pathian tana kan tih theih tawk tawk leh kan hma zawn theuhah rawngbawl turin ke kan pen a tul. Pathian tan hian zankhat pawh la tlaivarlote hi kanlo ni palh ange. Atan hian chaw vawi engzatnge kan nghei tawh le, nakinah sawi tur kan neilo mai lomaw.
A tawpnan, tu rawng nge i bawl dawn, Setana rawng nge Pathian rawng? Pathian chuan tuilairap a awm aduh silo a. I vawh leh vawt la, i lum leh lum rawh. Mahse, Unau duh tak inngaituah chiang hle rawh. Tuna i awm ang khan Pathian tawk dawn ta la, i ngam angem? Tlingthelh apiang pawi tih azual an tih ang mai hi kan ni palh ange. Tun hun hi kan tan, i tan, ka tan hian a pawimawh ber a, duhthlanna hun tlemte minla pek hi kan hman thiam a pawimawh hle awm e. Kan duhthlanna rah chu keimahni’n kanla seng leh theuh dawn si a. Chatuan a nunna nge chatuan a thihna i thlang zawk dawn? Awle, Lalpa tan kan Taksa leh Thlarau i inserh hrang ila, ama tan chauha kan nung theihnan Lalpa’n mal min sawm zel rawhse.