Editorial

Mihring tupawh thil tisual thei leh humsual daithei kan ni vek a. Amaherawhchu, thilti sualtute hi harhchhuak thei leh sim thei vek kan ni bawk. Chuvangin thilti sualtute hi kan en dan leh kan sawi dante, kan chezia leh kan nundante hian an harhchhuah emaw an sual leh zelnaahte hian nasa takin hna athawk thei awm e. Mi thil tisual hahip a kan sawi emaw, zahthlak tak leh mualpho taka kan tarlan sak chuan amahah beidawnnate a thlen thei a. ‘Ka sual ta sa sa’ tiin a rilru asiam phah theih a. Harhchhuah duhna thinlung emaw sual sim chakna thinlung emawte lo pu thin mahse kan endan a dikloh emaw ahma a mualpho taka kan siam chuan beidawngna chauh lo chuan a hmuak dawnlo a ni. Mizote hi thil thar leh tu thar sawichhuah nuam ti chi kan ni a. Mi thil tisual man an awmte hian hman deuh phei kha chuan Bawm chhungah (Kawn lunlaiah) an dah (hrem) thin. Sawngsawhlawtna awm siloin mi kan ti mualpho a, mi nunte pawh kan tihchhiatsak thei a ni. Chuvangin, Mi thil tisual sawi ai chuan an thatna lai insawisak hi a kristian titi zawk fe a ni tih Sipai member tinte hian i hrethar theuh ang u.