Corps Chhung

Pheikhawk nawt dawn
Dt.7th Feb 2010 (Sun) zingkarah hian Mustard seed Project for adult rehabilitation centre, chhiahtlang ami tur pualin Corps Cadet-te chuan Sipai Intinah kal kualin Pheikhawk an nawt dawn a, Sipai chhung tinte nawh tir theuh turin min ngen a ni.

Joint Council nei
Dt.23rd Jan 2010 (sun) Chawhnu Inkhawm ban YP Hall-ah Corps Council leh Building Board-te chuan Biak In sak chhunzawm zel turte relin Joint Council an nei a ni.

Gauwahati lamah
Pu R Thanghluna CT (P) leh a fanu Nl.R Lalhnenzovi-te chu Gauwahati lamah nimin Dt30th Jan 2010 (Sat) khan Doctor check-up turin an liamthla leh ta, Sipai-te’n i tawngtaipui zel ang u.

Corps-in Bawm dawh dawn
Dt.7th Feb 2010 (Sun) Thianghlimna Inkhawmah hian Mustard seed Project for adult rehabilitation centre, chhiahtlang ami tur pualin Bawm dawh tur ani a, Sipai Member-te’n ilo hre lawk ang u.

William Booth Brigade
Hnatlang nei
Dt.29th Jan 2010 (Fri) zan khan Pi Rokimite tui chawiin sumtuak hnatlang an nei a ni. Tin, sumtuaknan a Sangha zawrh tirtu Pu Lalhruaikimate chhung chungah leh lo leisaktute chungah Brigade Hruaitute’n lawmthu an sawi takzet a ni.
Division News : dt.20th jan.2010 khan Division finance Board neih a ni a, sum lakluhna leh hmanralna chipchiar takin enho a ni a. Division chhunga Project kal mekte pawh thlirho a ni. Division chhunga Building sa mekte :-
i) Mualpui kawn Prayer hall
ii) chhawrtui CO Quarter
iii) Phullen Prayer Hall
iv) Champhai Prayer Hall
v) Serchhip Prayer Hall
vi) Tachhip Prayer Hall
vii) Pawlrang Prayer Hall
viii) Thingsulthliah CO Quarter
Tin Zokhawtharah cheng nuai thumin Biakin hmun tur Ram tha tak lei ani bawk.

Ralhrat tan
Sponsorship theih
Salvationist Ralhrat Issue khat hi Rs.200/- (cheng zahnih) zelin a sponsore theih a, thahnem ngaih vangte, BirthDay, Memorial, Anniversary leh chi dang dangte pawhin a sponsore theih reng a ni. Sipai Chhungkaw tinte Issue khat tal Sponsore theuh turin Salvationist Ralhrat Ed.Board chuan kan ngen tak meuh meuh che u a ni.
SAY Council chuan Electric Extention tha tak mai min ngaituah sak leh a, Salvationist Ralhrat Ed.Board-te SAY Council chungah kan lawm hle. Tin, Ed.Board -te thlalak chu Computer Room-a tar turin Flex Print-in lian taka print a ni a, sengso hi Tv.Lalrokima i/c Music chuan a donate a, Pu Lalthachianga’n mawi takin alo Frame sak bawk a, anchungah Salvationist Ralhrat Ed.Board-te an lawm takzet a ni.

Vawiin chauh
CHAN member inpek theih tawh
Vawiin Dt.31th Jan 2010 (Sun) hi CHAN member ni duh tana, SAY Council-in inpekna hun ahawng, ni hnuhnung ber tur alo ni ta. Kan rawngbawlna pawimawh tak ani tih hriain SAY Member-te inpek theuh i tum ang u.

Group/Band din theih
SAY Council chuan, Songster adin takloh avangin Group/Band dinna hun ahawng a, Group/Band indinsate leh indin duhte chuan Pawl hming leh Member list-te ziakin Tv Lalrokima i/c Music leh Pu Lalnunfela RS, Leader SAY hnenah thehluh theih a ni e. Group/Band indin an awm chuan SAY Council-in theihtawpin a promote dawn a ni.

Kawlkhuma Brigade-te’n
Sangha zuar
Kawlkhuma Brigade SAY-te chuan Dt.27th Jan 2010 (Wed) leh nimin Dt.30th Jan 2010 (Sat) khan Sangha zawrh hnatlang an nei a, tlawmngai a lo leisaktu zawng zawngte chungah leh hnatlang thawkchhuakte chungah Brigade Council chuan lawmthu a sawi tak meuh meuh a ni.

CO hmasa thlah
Dt 24th jan.2010 (Sun) chawhnuah khan Bethlehem C.O Bial huapin C.O thlahna neih a ni a, kan Corps chuan Bial huap a, thlahna turah Rs.600/- athawh bakah Corps pualin Rs.1,000/- ngaihhruina thilpek ahlan a ni. C.O thlahna a kal mi parukte chu Pu Lalchhandama CS-in a ho a ni.

CO thar lawm dawn
Vawiin Dt.31th Jan 2010 (Sun) Thianghlim Inkhawmah hian C.O thar lawmna Inkhawm Bethlehem Corps-ah neih tur a ni a, kan Corps aiawh mi panga kal tura ruatte chu Pu lalhriatzela CT-in aho ang. Kan CO thar chu Maj.Lalsawmliana a ni a, Zemabawk CO thin a ni.

Council nei
Dt.26th Jan 2010 (Tue) zan khan SAY Council chuan Corps Council Hall-ah Council an nei a, an kal zel dan turte leh an rawngbawl zel dan turte an rel.

Ed.Board-te
Mualpui lamah
Salvationist Ralhrat Editorial Board-te chuan Dt.28th Jan.2010 (thu) zan khan Mualpui lama Sipai Pawl Unau awmte tlawhchhuahna an nei. Kumin 2010 chhung tan Mualpuia Sipai pawl chhungkaw 14 awmte hnenah rawngbawlna leh chanchin kan inhriatpawh zawk theihnan Free Subcribing antihsak dawn a ni. Tin, Nl. Esther-i chuan tlawmngaih chhuahin alo semsak dawn a ni. a chungah leh Pathian chungah Salvationist Ralhrat Ed.Board-te an lawm hle.

Home Visit nei mek
Missionary Board-te chuan tunlai hian Sipai chhungkaw tin Inah tlawhchhuahna leh Campaigne an nei mek a, Pathianin an rawngbawlna malsawm zel rawhse.
YP lama thawktute pawhin tunlai hian Home Visit an nei mek a, Pathian malsawm tlaka rawngbawlna an chhunzawm zel theihnan Sipaite’n i tawngtaipui ang u.

Building Board-in
nileng hnatlang nei
Dt.23rd Jan 2010 (Sat) nileng khan Building Board-te chuan nileng hnatlang an nei a, Varandah thlanglam hungna leh Biak In chhuat rawng an hnawih. Tin, Platform a siam that ngai laite an siam tha nghal bawk. Tin, tunah hian Biak Inchung rawng hnawih mek a ni bawk a. Pathian malsawmna leh Building Board-te hmalakna azarah kan Biak In pawhin hma asawn zel e.

Bilble chhiarchhuakte
lawmman pe
Dt 24th jan.2010 (Sun) khan 2009 chhung a Bible chhiarchhuakte hnenah DHQ chuan thilpek leh Ziak mawi (Certificate) an pe a, heng thilpekte hi CSM chuan CO aiawhin ahlan a ni. Bible chhiarchhuakte chu :-
i) Pi Lalthatlingi
ii) Pi Chawithangi
iii) Pi Remmawii HLWS]
iv) Pu R Thanghluna CT (P)
v) Pu H Vanlalrawna

Corps pumhuap hnatlang nei
Dt.26th Jan 2010 (Teu) khan Corps pum huap hnatlang neih a ni a, Sipai thawkchhuakte hnenah Corps Council chuan lawmthu a sawi tak meuh meuh a ni.

Tui Bill khawn dawn
CH-Sec Home League-te chuan kum danga anlo tih thin tawh angin, sumtuaknan Tui Bill an khawn leh dawn a. Sipai chhungkaw tinte, pektir leh theuh turin CH-Sec Home League Council chuan min ngen theuh a ni e.