Article

KRISTA SIPAI RINAWM
Enge Krista Sipai rinawm chu? Tutenge Krista Sipai rinawm chu? Chhandamna Sipai Pawlah kan awm a, kan duhtawk ringawt emni, Krista Sipai rinawm ni silo hian Sipai raldo a chhuak ngailo nge kan nih a, Krista tan a Ralhrat tak zawk? Nihleh engtinnge Sipai rinawm tak chu kan nih theih ang? Engvanginnge kan nih atul?
Khawvel a Sorkar hrang hrang te hian an ram Sipai tur an lak dawn hian Interview an buatsaih thin a. Taksa hrisel tha leh thothang tha, mi harhvang, mi nunnem leh zaidam, mi dawhthei leh hotute thu awih thiam te leh pianthiamte hi an la thin a. Sipai ni tur chuan Training khirhkhan tak, uluk taka neih angai a, kawng hrang hrang a hrehawm tuar chhuak in, Thalai tamtak Sipaiah an tang thin. Tirhkoh thianghlim Paula’n Rinna a fa Timothea hnenah fimkhur tur leh hrehawm tuar fan fan tura alo fuih sauh sauh pawh kha alo awm hle a ni. Sipai member te tan hian, fimkhur nachang hriat leh hrehawm tawrh peih hi a pawimawh hle a ni.Sipai tha ni tur hian thil pawimawh tam tak a awm thei awm a. Chung zingah chuan thianghlimna (Simna Thu) hi a pawimawh ber pawl a ni ngei ang.
Sim turin Pathian thuin min rawn lova, min thlem bawk hek lo. Thianghlim turin min ti zawk a ni. “....tunah hian zawng, sim tur thu a pe ta a ni.” (Tirhkohte 17:30). Pathian thupek awih lova sim duhlo tute chu tih boral an ni ang. “Nangni pawh in sim loh chuan chutiang bawkin in boral vek ang.” (Luka 13:3). Sim tur neilo khawp a mi tha khawvelah tumah an awm si lova. Sipai tha ni tur chuan midangte tan a malsawmna thlentu nih hi a pawimawh hle bawh a ni. “ Tichuan chi ropui takah ka siam ang chia, mal pawh ka sawm ang chia, i hming ka ti ropui bawk ang; tin, nang malsawmna ni ang che.” (Gen. 12:2) He Khawvel mihring piang tawh phawt hi, mi pangai kan nih chuan midangte tana malsawmna thlen turin Pathianin min ngenin min beisei a ni.
Sipai tha ni tur chuan kan thu sawi tak te khi a pawimawh hle a, Pathian hian eng kawngin nge min hman duh tih ngaihtuah chungin a rawng i bawl ang u. Lei lam Sipai (phuahchawp) a tang tur pawh hian beih angaih nasat zia, an lawmman lah chu tun damchhung atan chauh lehnghal, leh hautak zia ngaihtuah hian, Sipai member te Pathianin a rawngbawl tur leh a hnungzui tur a, nang leh kei tlinglo tak chung a min thlang hi thil mak leh ropui ava ni teh lul em! Unau te u, a kohna che u hi ngaihtuah teh u, Tisa lama mifing tamtak te, mi chak tamtak te, mi tha tamtak te, koh an nih loh zia hi; Nimahsela Pathianin khawvel; thil a te a thlang zawk a. Mifing te chu tih mualpho an nih theih nan; (I Kor. 1 : 26-27). Lalpan nang leh kei hi Sipai tha ni a, Indona tha kalpui a, chhandam loh te zawng chhuak a, chhandamna kawng kawhhmuh a, ringtu hawikir mek te leh hnungtawlh mek te chhanchhuak a, midangte tan malsawmna ni turin min thlang a. Pathian leh Kohhran ho hma ah thutiam la a, kut dinglam pharchhuak in, Sipai tha ni turin kan intiam si a.
Krista Isua Sipai tha ni tur hian, fimkhur angaihzia leh hrehawm tawrh peih angaihzia hi i ngaihtuah ngai em? Zirna a hlawhtling tur chuan, hrehawm tawrh hmasak a, fimkhur leh thahnem ngai tak a beih hnuah hlawhtlinna a lo chhuak thin. Hmanraw hmantlak, hriam tha leh duhthusam nei tur chuan sawisak hmasak fe phawt a, thir lam chi phei chu Thirchherah tuaihriam tir hmasak phawt angai thin. Chutiang chiah chuan Sipai tha leh hmantlak ni tur chuan, Kalvari Pumah tuai hriam hmasak phawt kan ngai a ni.
He Lei Sipai mahin a vuak huamin leh tlaivarin, mahni in leh lo kalsanin an kalchhuak a, Pathian Sipai tha ni turin enge kan chan tawh le? Chaw vawikhat pawh la ei silo hian Sipai tha angin kalo inchhal mai ange. Zankhat pawh la tlaivar lo hian kanlo inchhal mai ange. Kan Lalpa Pathian hian a Sipaiah hian minlo ngai loang tih pawh thil hlauhawm tak ani. Chuvangin Krista Sipai rinawm ni turin min tihnawktu apiang paihin atan Ke ipenchhuak ang u.