Salvation Army ka hlawkpuina

-P.Mawia Jt.Editor

Hun leh ni a liam a, panlai nunte ka ngaihtuah changte chuan ka lung min len thin!!! Aw... YP Naupang atanga CC Naupang ka nihlai te kha, tun dinhmun ka thlen theihna atana, min fuihtu zawng zawngte u ka tan in va hlu tak em. Nangmahni avang leh Salvation Army ka nihna avang hian thil tam takah hmasawnna ka nei a ni. Khawi lo kal nikhuaah Ai a upate zahna chang ka hria a, thil titur a sawm ka nihin ka theihna hmunah chuan ka tlan chhe ngai lova,hmahruaitu hna chanvo pek ka nihin,ka phak tawkah ka hlen thin.
Salvation Army ka nihna hian ka nunah tam takin thu a sawi a, michanhai leh riangvai, mi awmthaduhlo a ngaihte, thiansualte kalsan aiin an zinga tel in Krista Chanchintha hril a awm ka thlang fo thin, rilru paukhauhna min tuh a, Kohhran dang thalaite aiin hniam bikah ka indah ngai lova, antheih ang chu theih ka tum fo thin. Hun vawng dikna kawngah Salvation Army ka nihna hian nasa takin min pui a, kohhran dangah chuan awm ila chanvo pawimawh tak tak Krista kaltlanga kan hotute min ruatna hi ka luah kher lovang. Ka nitin thil tihna ah rual pawl tawk a tih ve zel duhna thinlung min pe a, thusawi ngamnate, thu ziah ngamna te,thudik tan tlatngamna te ka thinlungah hian nasa takin a tuh a, nitin inchhung khawsak phungah tihtur tihna nachang ka hria a, nun daipelh palhte deusawhna aiin a kaithoh hnathawktu tur ka ni tih hriain an tan tawngtaisakna hna ka thawk thin.
Khawvel eng ka hmuh tirh atanga Salvation Army rawngbawlna huang chhunga ka lo awm hi vannei ka van han in ti tak em!!Khawvel pawhin a ngaihsan Social Work hna te ka thawk thei a, chutah hruaitu dinhmun te ka luah ve thei hi chu he ka hring changchhung hi chuan ka tan a ropui tawpkhawk a ni. Programme awmdan a zirin a hun leh hmun a awmdan ka zirchhuak a, hriatna huang lamah nasa takin min pui a,mi dangte tana malsawmna nih mi chak tir thin, hruaitu zahthiamnate mi pe a, thiltha leh dikah tan tlatna kawngahte hian ka nunah thu tam tak a sawi a ni.
Salvation Army ka ni thei hi ka lawm tak zet a, he rawngbawlna huang chhung a ka tel ve thei hi he khawvel mihringte zinga vannei ber pawl ka ni ngei ang. Kristian thuthar hriatna kawngah hma mi sawn tir a, Hun leh ni chhiar dan mi zirtir a, ka hun hman dan tur, atawk tein hun siam thiamna mi pe a ni. Aw le!! Salvation Army ka nihna kawnga ka hlawkpui ber pawl chu Discipline hi a ni a.Ka thalai pui tamtak te hlawkpuina in nei ve ngei ka ring tlat a ni. Lapa’n alet tam takin Chhandamna Sipai Pawl leh Sipaite mal min sawm nawn zel rawhse.