Editorial

Kumbul tan
Pathian kaihhruaina leh malsawmna zarah kumbul chu Corps chhunga Section hrang hrang leh CHAN Team, Brigade leh Salvationist Ralhrat thlengin kan tan tha ta hle niin alang. Thufing pakhat chuan ‘a bul tanthat chu azahve zo’ ati a, Chuvangin abul tanthat hi a pawimawh hle a ni. Kumtawp kan thil tihtur kan hmachhawpte a inhnawhkhawm chiamloh nan kumtir lam kan hman tangkai atul hle a. Kumtir kan hmandanah hian kan kumtawp hman dan turte pawh alang uar hian ahriat thin. Kumtir a engmah ang silo, kumtawp a tha thut hi an vang hle a, kumtir a chak taka hmala nghal par parte hi an kaltluang duh zawk ani. Amaherawh chu kumlai hawl (Furpui) vela zuzi leh ta mai maite pawh an awm nawk thin bawk a, chutiang nilo tur chuan keimahni theuh kan pawimawh a. Kumtir atanga kumtawp thlenga tang mar pat thei tura hma kan lak theuh atul hle. Kan Bible chuan ‘i rah chin apiang i Ram ani ang’ ati a, tunkum chhung hian engchen nge kan rah dawn a, engchen nge kan Ram ni dawn? Ram zau tak mai kan Ram anih theihnan leh thui tak kan rah theihnan Sipai tinte Thlarau thianghlim chuan miti chak zel rawhse.