New Age Movement hi Sakhaw Pawl hrang hrang Hinduism, Eastern Mysticism, Occult, Optimism, etc.te infinkhawm a ni. A tumber chu Khawvel thar, New World Order din a ni. Sciences, Ecology, Sports, Education leh a bikin Chistian Sakhua luhchilhtu a ni.
New Ageism hi Sakhaw hrang hrang zirtirna kaipawlh anih avang hian hmuchhuaktu bik an awm hranlo. Engtik kum atanga lo intan tawh nge tih tuma’n an sawi chiang theilo. Mahse Kum 1800 vel a, thlarau biakna hluarchhoh lai atanga lo intan tawh anih rin a ni. Emanuel Swedenborg, Thoreau, Emerson leh Wordsworth-te hi Milar, he zirtirna pawmtute an ni.
NAM hian Sakhaw dang angin Thurin leh innghahna bul tak anei ve lemlo a, an chanchin an ziahna leh an chanchinbu tihchhuah zinga lar deuhte chu New Age Journal, Body Mind Spirit, Yoga Journal, Gnosis, etc. te an ni. He zirtirna pawmtute chuan Pathian chu Cosmic Energy or Force a ni an ti. Minung angin an ngailo a nih chu. Pathian an biakchhan pawh Energy an mahni a herluh an tum vang zawk a ni. An nghahfak chu Khawvel hi New Age zirtirna a herluh vek a, Khawvel thar dina, Khawvel pum hi rorelna pakhata awmtir an tumber a ni. Achhan chu kan inngeihtlan an rin vang ani awm e. Nang... Zirtirna maksak tak tak in kan Zoram Tuallai alo thlen a, kan buai tak tak hma hian inngaihtuahchiang rawh. Tun hun kha a pawimawh.
Reverend : A tawi zawng Rev emaw Revd tia an ziah thin hi Latin Tawnga Reverendus atanga lak a ni a, a awmzia takah chuan dinhmun emaw, kum emaw, nungchang emaw ngaihtuah sak a, Zahkai phachin (Respectable) chin sawina a ni. Kristian Sakhaw Puithiam nemnghehte sawina alo nih hnuin Bishop Bial pakhat chhunga Kohhran lianber Biakin Hotu chu Dean an ti a. Dean dinhmun luahtu Puithiam chu Very Reverend tih a ni a. Bishop chung ami chu Most Reverend tih ani bawk. Amaherawh chu Chhandamna Sipai Pawl chu Sipai taka awmreng leh inpeih at reng kan nih avang hian Reverend tih tawngkam hi kan hmanglo a, tuma’n inkohnan kan hmang ngailo a ni.
No comments:
Post a Comment