Naupang Pual

Hmanlai hian Sihal pakhat hi a awm a, a riltam avah ruk ruk lai chuan, Sakawrtawlailir a Sangha phurlai hi ahmufuh hlauh mai a, hnunglamah chuan azuangkai a, tam tak Sangha aruksak hnu chuan a zuangthla leh ta daih a, hmunrehlai tak ni a ahriat hmunah chuan a ei ta a.
Chutih lai chuan, Savawm hi alo kal a, “E... kha i va man tha bik em em ve, Sangha itawm tak tak an nih kha, i vanneihna a kaltluang hle ani maw?” ati a, Sihal chuan, “E vannei tak ka ni, i duh ve anih chuan hei aia tam man tur hian ka hruai angche,” ati a. Savawm chuan phur tak mai hian, “e, tehreng mai, ka peih lutuk alawm, Ka Len leh Nghakuaite pawh kalo keng dawn nia,” ati a, Sihal chuan, “chutiang angai hleinem, ka Mei hian ka man mai thin alawm, nangphei chu kei aiin i Mei asei zawk leh nghal a, i man hnem thei ngawt ang chu,” alo ti a. Tichuan, phur tak chuan ankal ta a.
Lui an zuk tleng chu, Tui zawng zawng chu alo khal vek mai a, te takte mai hian alo kua a, chutah chuan Tui tlem hi a hmuhtheih tawk tawk a. Sihal chuan, “ awle, hei hi ania ka Mei ka chiahna chu, hetah hian i Mei kha rawlhlut la, Sangha an beh teuh hunah chauh i phawi dawn nia,” ati a. Savawm chuan phur tak chuan a chiah ta vang vang mai a, ahnu reilote atang chuan vawt ati ta em em mai a, Sihal hnenah chuan a phawi theih tawh em ati ta sek mai a. Sihal chuan, “ ala reilo lutuk, la chiah rawh, an bet hnem thei teh mai ania,” ala ti fan a.
Luikam lehlam atang chuan Uisathiam leh Mihring tam tak hi an rawn ri ta tengtung mai a. Sihal chuan rang takin atlanbo san ta daih a. Savawm chuan tlan an tum a, amei chu Tui chuan alo khal hnan tawh avang chuan atang ta tlat mai a. A pawt ta vak vak a, a Mei chu abung ta daih mai a, hei vang hian tun thleng hian Savawm Mei hi tawite anih phah ta a, Savawm leh Sihal pawh hi, Ramsa Sahel eichiah chuan inngeihlo ber an ni ta a ni.
Nangpawh Savawm ang mai a, Midangte Thluak a, eizawn itum anih chuan, hlawk ahnehin i neihsa pawh i chan zawk thin ang.