Naupang Pual

Kum engemaw zat kal ta khan Pu Lee-ate chhung hi Missionary hnathawk turin India ram Kolkatta-ah USA atangin anlo lut a, Ram vawta awm thin tan chuan Kolkatta khawpui chu alum em avang chuan an Fate pali chu Darjeeling-ah Mount Hermon School-ah an kaltir daih a, an fatlum ber Esther chu Nausen mai anih avangin an hnenah a awm a.
Vawikhat chu, Darjeeling Khawpuiah chuan Ruah hi darkar 30 zet mai chawl miahloin asur char char mai a. Vida-ite Unau chu Inchhungah chuan an awmthap mai a, ngaihthat lohna engmah nei lemlo chuan Vida-i chuan a naute chu a kokhawm a. An Unau hi Missionary Fa an ni bawk a, Mifel tak tak vek leh tawngtai leh Bible chhiar thlahthlam ngai miahlo an ni. An Unau chuan zailamte hi an ngaina em em a, amaherawhchu Lenglawng leh Lengzem Hla ansa ngailo a ni.
Chutia Inchhunga an awmthap lai chuan an Kawt chu Leimin hian arawn hnawl ta rup mai a, In dang tha zawk a, tlan mai an rilruk ta a. Mahse Kawngkhar an han hawng tur chu Kawngkhar chu alo hawngtheih reng renglo mai a (Leiminin adang), an In chu In maldin, Chung pawh hnuai pawh neilo hi ani a. chuvang chuan Midang chuan an thawm chu Ruah asur bengchheng bawk avang chuan an hrethei mai silo a, Kawngkapui pakhat chiah a awm si a. Tukverh ah tlakdanna (Bar) a awm bawksi avang chuan achhuah theihloh a. Vida-i chuan a naute chu kut invawnsak vek turin a ti a, an tawngtai ta a. Chutia an tawngtai lai chuan Lei chu lo min belhin an awmna In chu ahnawl ta a.
Pu Lee-ate phone chu alo ri ral ral a, an nu chuan an chhang a. an fate pathum chu leiminin an In a hnawl avangin an thi a, pakhat chu na takin ahliam tih thu an dawng ta. Rangtakin Darjeeling an pan nghal a. Pu Lee-a chuan a fate arualin pathum asun a, a hnu thlakhatah Wilbur-a pawh chu a Ke hliam a Sakawrekhrik natna akai avangin a thi leh a. Mahse, Pu Lee-a chuan, a fate ruang chungah chuan, “ Pathian min hmangaihna ava ropui em,” tiin ala zaithei a ni.